Regione Autònoma de Sardigna - Ordinàntzia n. 4 de su 08/03/2020 Mesuras istraordinàrias pro sa preventzione e gestione de s'emergèntzia epidemiològica de COVID-19 IN SU TERRITÒRIU REGIONALE DE SA SARDIGNA.

Ordinàntzia N 4 Regione Sardigna

Avisu a sos tzitadinos chi arribant dae sa Regione Lombardia e dae sas provìntzias de Mòdena, Parma, Piacenza, Règio Emìlia, Rìmini, Pèsaro e Urbino, Alessàndria, Asti, Novara, Verbano-Cùsio-Ossola, Vertzelli, Pàdova, Treviso, Venètzia.

Su Presidente de sa Regione Sardigna at emìtidu s'ordinàntzia pro sa preventzione e gestione de s'emergèntzia epidemiològica de COVID 2019, in acòrdiu cun su chi faghent sas àteras Regiones de Itàlia.

Totu sos chi arribant in sos portos e aeroportos de sa Sardigna dae 'zonas rujas' depent:

- «comunicare custa situatzione a su dotore issoro de meighina generale,
- rispetare sa permanèntzia domitziliare cun isulamentu fidutziàriu, abarrende in isulamentu pro 14 dies,

- osservare sa proibitzione de s'ispostare e biagiare,

- abarrare a disponimentu pro cale si siat atividade possìbile de controllu e, in casu bi siant sìntomos, avisare in deretura su dotore de meighina generale».

«Su non respetare sos òbligos est santzionadu comente narat sa lege (art. 650 c.p.)».

In sa nova publicada in limba italiana in su situ Istitutzionale de su Comune bi sunt allegados

allegadu 1

allegadu 2

ordinàntzia 4_2020

Pro informatziones:

Ufìtziu/Òrganu: Àrea Econòmicu Finantziària

Referente: SONIA BOEDDU

Indiritzu: Pratza Matteotti 2, 09081 Ardaule (Aristanis)

Telèfono: 0783651223

Fax: 0783651573

Posta eletrònica: ragioneria@comuneardauli.it

(MM)