Sa Die internatzionale de sa limba mama est una tzelebratzione istituida dae s'UNESCO pro promòvere sa diversidade linguìstica e culturale e su multilinguismu. Dae su 2000 si tzèlebrat ogni annu su 21 de freàrgiu.

Prus de sa metade de totu sas limbas chi si faeddant in su mundu sunt in s'arriscu de si nch'ispèrdere. S'UNESCO tzèlebrat s'importàntzia de sa limba mama comente espressione de s'identidade culturale e pro s'importu chi sas diversidades de sas limbas tenent in su si cumprèndere pare pare e pro su rispetu s'unu de s'àteru.

S'UNESCO, duncas, amparat sa diversidade linguìstica.

************************************************

Faeddare a calicunu in una limba chi cumprendet permitit de intrare in su cherbeddu suo. A ddi faeddare in sa limba mama sua est a intrare in su coro suo.

Nelson Mandela

(MM)