Vai a sottomenu e altri contenuti

Pasca o Nadale?

Pasca o Nadale?

Pasca o Nadale?

Su faeddu ‘pasca' benit dae su faeddu ebràicu ‘pesàch' chi cheret nàrrere ‘liberatzione, su passare a', dae sa festa de sos ebreos chi ammentat sa liberatzione issoro, passende in su Mare Ruju, dae s'èssere iscraos in Egitu.

In sardu su faeddu pasca cheret nàrrere festa e a unas cantas festas religiosas ddis narant ‘Pasca, Pasca de…'

Pasca, o mègius Pasca Manna,est sa festa de sa resurretzione de Gesùs Cristu. Est pretzisu a ddi nàrrere ‘manna' ca pro sos cristianos est sa festa de prus importu, sa prus manna.

In tzertas biddas ddi narant fintzas Pasca mazore. Pasca de abrile, Pasca de resurrexi.

Sa festa chi ammentat sa calada de s'Ispìritu Santu subra sos apòstolos (Pentecoste), est pasca de s'Ispìritu Santu, in su meridione de Sardigna, e Pasca de frores, in su setentrione. Ma ddi narant fintzas Pasca fiorida, Pasca de rosas, Pasca de maju e Pasca de is perdonus, o Su perdonu de maju ca est die de indulgèntzias, de perdonu.

Su nùmene Pentecoste, in carchi bidda, dd'ant istropiadu in Pasca intecosta, Pasca antecosta; páska nkòsta.

Sa festa de s'Ascensione est Pasca de s'Ascensione. In carchi bidda, unu tempus fortzis ddi naraiant sa die de su pinnadorzu ca in cussa die si sinnaiant sas berbeghes.

Sa die de Nadale est sa Pasca de nadale o Pasca minore o Paschighedda.

Su 06 de ghennàrgiu (Epifania) est sa Pasca de sos tres res o de is tres reis (urreis), ammentende sos res chi fiant andados a Betleme pro adorare su Fìgiu de Deus cando est nàschidu.

S'italianu ‘Pasquetta o Lunedì dell'Angelo' in sardu est Sa die in fatu de Pasca (‘il giorno successivo alla Pasqua')

A chi rivolgersi

A chi rivolgersi - Referente
Ufficio/Organo: Area Affari Generali
Referente: marinella marras
Indirizzo: Piazza Matteotti
Telefono: 0783651223  
Fax: 0783651573  
Email: ragioneria@comuneardauli.it
Email certificata:
Scheda ufficio: Vai all'ufficio
torna all'inizio del contenuto
torna all'inizio del contenuto