Vai a sottomenu e altri contenuti

Spiaggia Day E-stiamo in Barigadu

UNIONE DE SOS COMUNES DE SU BARIGADU COOPERATIVA CULTOUR

SPIAGGIA DAY

E-STIAMO IN BARIGADU

Atividades lùdicu - ricreativas pro sos pipios e pitzocos dae sos 6 a sos 14 annos residentes in sos Comunes de Ardaule, Bidoniu, Busache, Fordongianus, Neoneli Samugheo, Sorradile e Ula.

Su servìtziu ponet in contu 8 dies de Spiaggia Day in sa marina de Turre Manna cun atividades lùdicu - ricreativas, orienteering, educatzione ambientale, giogos isportivos e propedèutica a su càlcio, pallavolo, nuoto e pallanuoto.

Un'ocasione ùnica pro sa sotzializatzione e ispàssiu de sos pipios.

Tarifa: 50,00 € pro ogni pipiu o pitzocu

40,00 € si sos pipios o pitzocheddos sunt duos o prus de sa matessi famìlia.

Informatziones:

Cooperativa Cultour

3403397314 3489954314

info@cultour.sardegna.it - www.cultour.sardegna.it

PROGETU DIDÀTICU

'E-STIAMO IN BARIGADU' - ISTIU 2018

Animatzione in s'istiu pro minores dae sos 6 a sos 14 annos'

Su pianu de sas atividades de animatzione previdit de fàghere partetzipare a totu sos chi leant parte a su progetu in manera noa cun s'aprofundamentu de argumentos ispetzìficos comente, pro nàrrere, sa natura, su mare, s'isport e s'amistade. Est postu in contu de fàghere N. 8 dies temàticas, chi tenent in programma siat s'aspetu lùdicu-isportivu siat cussu sòtziu-ricreativu, cun unu percursu semper creschende bìvidu dae sos minores comente unu giogu, un'iscoberta de issos etotu e de sos àteros, un'esperièntzia profetosa pro sa crèschida personale de ognunu.

Die N. 1 ''Unu, duos, tres, prontos, incomintzamus!'' (''Uno, due, tre, pronti, via!''): sa prima die at a èssere dedicada a sa connoschèntzia e presentatzione dei totu sos chi partètzipant cun giogos chi nde favoressant sa sotzializatzione, sa comunicatzione e s'integratzione sotziale.

Die N. 2 ''Imparamus a nos connòschere mègius!'' (''Impariamo a conoscerci meglio!''): s'ant a fàghere ancora giogos de connoschèntzia e pro afortiare su ligàmene intre a sos pipios e permitere fintzas a sos prus birgongiosos e prus pagu afàbiles de leare cussèntzia di se a intro de su grupu.

Die N. 3 ''Die de s'isport'' (''Sport Day''): custu addòbiu at a èssere dedicadu a s'isport, a sos pipios s'ant a ispiegare sas règulas printzipales de su giogu de sa pallavolo e de su pallone (calcio). Partzidos in grupos, a segunda de s'edade, s'ant a isfidare in torneos piticos in sa marina, imparende: a rispetare sas règulas, a sotzializare e a istare paris in grupu, a cumprèndere su ruolu de sos àteros e prus che totu a istabilèssere unu raportu de fidùcia cun sos cumpàngios e cumpàngias.

Die N. 4 ''Bivant sos isport acuàticos'' (''W gli sport acquatici!''): s'ant a fàghere atividades propedèuticas a sos isport acuàticos: nuoto e pallanuoto. In custu casu puru sas atividades ant a èssere pensadas pro ogni grupu de edade, a manera chi sos prus piticos imparent a nadare e sos prus mannos megiorent sas capatzidades issoro in sa pallanuoto, uno de sos isport mègius pro s'isvilupu fìsicu e psìchicu de sos pitzocheddos.

Die N. 5 ''S'iscoberta de su mare e de sos abitantes suos'' (''Alla scoperta del mare e dei suoi abitanti''): pro more de s'esperièntzia de sa Cultour in su campu de s'educatzione ambientale e de sa didàtica de sos laboratòrios at a èssere cuncordada una die dedicada a sa connoschèntzia de sos ecosistemas mare e marina cun unu giogu mannu de chirca de unu tesoro (caccia al tesoro) adata a totu sas edades e cun unu muntone de giogos acuàticos.

Die N. 6 ''Amigos corales'' (''Amici per la pelle''): sa de ses dies at a pertocare su valore de s'amistade, unu sentimentu chi sos pipios connoschent giai dae piticos. Cun giogos in grupu e a duos a duos, agiudados dae sos operadores sos partetzipantes ant a pensare a su valore e, prus che totu, a ite potzat èssere amistade e ite no.

Die N. 7 ''Deo rispeto sa natura'' (''Io rispetto la natura''): su mangianu at a èssere dedicadu a s'iscoberta de sa natura, chi bortas meda, dae de sa sotziedade nostra - chi est semper in presse meda - est cunsiderada casi comente elementu istràngiu de sa vida nostra. A s'arribu a Turre Manna, a primu mangianu, s'at a fàghere un'atividade de Orienteering in sa pineta e a pustis s'at andare in sa marina in ue s'ant a fàghere giogos cun leturas e cantzones ispirados dae sa natura.

Die N. 8 ''A si bìere; Amigu Adiosu'' (''Arrivederci Amico Ciao!''): s'ùrtimu addòbiu at a èssere sa die de sa serrada de su progetu cun giogos de grupu e a pustis, in sa marina, una festa pitica de acabbu cun unu laboratòriu pro fàghere cun sos frores sa collana de s'amistade.

In custa ocasione a sos pipios at a èssere dada una fotografia de su grupu ''E-state in Barigadu 2018''.

o CUNTATOS: Cultour Società Cooperativa: Daniela 3403397314/Chiara 3489954314 info@cultour.sardegna.it - www.cultour.sardegna.it

INFORMATZIONES

'E-STIAMO IN BARIGADU' - ISTIU 2018

Animatzione in s'istiu pro minores dae sos 6 a sos 14 annos'

o Sas atividades s'ant a fàghere in su mese de trìulas 2018 in sa marina de Turre Manna pro N. 8 dies;

o Sas atividades s'ant a cuncordare ponende in contu s'edade diferente de sos utentes, gasi partzidos: 6/7 annos, 8/10 annos, 10/11 annos, 12/14 annos;

o Su servìtziu previdit de tzucare, cun s'acumpangiadore, in postale dae sos Comunes de s'Unione;

o S'oràriu de su servìtziu previdit sa partèntzia fàcia a sas 7:30 e de torrare fàcia a sas 14:30;

o Sas atividades didàticas ant a incomintzare fàcia a sas 9:30;

o Sa presèntzia de su personale est garantida rispetende su raportu dei N. 1 Operadore ogni 15 pipios e de N. 1 Assistente bagnante ogni 40 pipios;

o Sa merenda dd'at a dare s'organizatzione e previdit una fruta de istagione. Si bi sunt esigèntzias diferentes o intolleràntzias su genitore podet dare un'àtera merenda diferente o in agiunta a sa fruta;

o Pro sas atividades de mare ogni pipiu s'at a dèpere leare infatu: unu zaineddu cun s'asciugamanu pro su mare, unu costùmene de càmbiu, una crema solare, una o prus ampullitas de abba e sas sabatas.

o CUNTATOS: Cultour Società Cooperativa: Daniela 3403397314/Chiara 3489954314 info@cultour.sardegna.it - www.cultour.sardegna.it

A chi rivolgersi

A chi rivolgersi - Referente
Ufficio/Organo: Area Affari Generali
Referente: marinella marras
Indirizzo: Piazza Matteotti
Telefono: 0783651223  
Fax: 0783651573  
Email: ragioneria@comuneardauli.it
Email certificata:
Scheda ufficio: Vai all'ufficio
torna all'inizio del contenuto
torna all'inizio del contenuto