Si podet presentare sa domanda pro retzire contributos chi siant de agiudu pro investire in atividades econòmicas noas ligadas a su setore de su cummèrtziu e a cussu artesanale pro sa crèschida de sas zonas internas.

Su Bandu cumpletu e totu sos allegados pro fàghere sa domanda sunt publicados in s'Albu Pretòriu on.line e in sa pàgina printzipale de su giassu internet de s'Unione www.unionecomunibarigadu.it.

Totu sos interessados devent mandare sa domanda a intro, e no a pusti, de sas 14.00 de su 31.01.2022 compilende su mòdulu e a mesu de sa posta eletrònica tzertificada ebbia a s'indiritzu info@pec.unionecomunibarigadu.it.

Sas impresas chi podent presentare domanda pro custu bandu sunt cussas chi tenent sa sea legale e/o operativa issoro in unu de custos comunes: Ardaule- Bidoniu- Fordongianus - Neoneli - Nughedu Santa Itòria.

Su Responsàbile de su Setore e de su Protzedimentu est Dot. Serafino Pischedda tel. 0783/60123, mail: ragioneria@unionecomunibarigadu.it.